काठमाडौं– नेकपा (एकीकृत समाजवादी) का अध्यक्ष एवम् पूर्वप्रधानमन्त्री माधवकुमार नेपालले अर्ली इलेक्सन हुने कुनै सम्भावना नरहेको बताएका छन् ।

गृहजिल्ला रौतहटको चन्द्रनिगाहापुरमा एमाले अध्यक्ष केपी ओलीप्रति संकेत गर्दै उनले कसै-कसैले चाहेजस्तो अर्ली ईलेक्सनको सम्भावना नरहेको प्रष्ट्याए ।

राष्ट्रलाई व्ययभार हुन नदिन तीनवटै तहको निर्वाचन एकैचोटी गर्ने विषयमा सत्तारुढ दलभित्र छलफल भइरहेको नेपालले बताए ।

‘इलेक्सन समयमा हुन्छ । त्यसको निम्ति अब प्रक्रिया सुरू हुन्छ । जस्तो राष्ट्रियसभाको चुनाव छ । त्यो गर्नै पर्‍यो समयमा । अव उपनिर्वाचनहरूको कुरा पनि चलिराख्या छ’, नेपालले भने, ‘प्रदेशसभाको निर्वाचनको कुरा । त्यसको निम्ति पनि तयारीको कुरा भइरहेको छ । सर्वोपरी रूपमा सबै तहको निर्वाचन राष्ट्रलाई व्ययभार नपर्नेगरी एकैचोटी गर्ने भन्ने हो । कसैकसैले भनेजस्तो अर्ली इलेक्सनको सम्भावना छैन ।’

अध्यक्ष नेपालले प्रधानमन्त्री शेरबहादुर देउवा नेपाल फर्किएपछि अदालतमा देखिएको समस्या समाधानका विषयमा छलफल हुने बताए ।