काठमाडौं– राष्ट्रिय प्रजातन्त्र पार्टी (राप्रपा) का नेता ज्ञानेन्द्र शाहीले नवनियुक्त गभर्नर विश्व पौडेलका प्रति कटाक्ष गरेका छन् ।
पौडेललाई ‘चुनाव हरुवा’को संज्ञा दिँदै शाहीले कार्यकर्ता गभर्नर बनेको बताएका छन् ।
‘अझै पनि देश बन्छ भनेर पत्याइदिनुपर्ने । चुनाव हारेको हरुवा कार्यकर्ता गभर्नर बन्ने,’ शाहीले फेसबुकमा लेखेका छन् ।
पौडेल मंगलबार मात्रै नेपाल राष्ट्र बैंकको १८औँ गभर्नर नियुक्त भएका थिए ।
उनी प्रमुख सत्ता साझेदार दल नेपाली कांग्रेसको कोटाबाट गभर्नर नियुक्त भएका हुन् ।
उनी पछिल्लो संसदीय निर्वाचनमा चितवन क्षेत्र नं. १ बाट राष्ट्रिय स्वतन्त्र पार्टी (रास्वपा) का हरि ढकालसँग पराजित भएका थिए ।
लेखकको बारेमा
प्रतिक्रिया