कोरियाबाट मिस नेपालमा सहभागी हुन आएकी पोखरेली युवती पूजा बराल मिस नेपाल २०२४ को उत्कृष्ट २६ मा छनौट भएकी छन् । सानै देखी मोडलिङमा लागेकी उनी यस अघि मेगा मोडल सिजन ४ को विजेता पनि हुन भने थुप्रै फेसन सो र मनोरञ्जनात्मक सन्सारको स्वाद चाखेकी छिन ।

उमेरले २५ वर्षमा हिँडेकी बरालको ५ फिट ४ इन्च हाइट छ उनले कोरियामा Smart Computering मा डिग्री गर्दै छिन भने उच्च शिक्षा ग्लोबल कलेज वाट पूरा गरेकी हुन ।

अभिनय मार्फत क्यारेक्टरलाई जीवन्त बनाउनमा आनन्द महसुस गर्ने उनी किताब पत्रपत्रिका पढेर बाहिर दौडने घुम्ने मोटर बाइक चलाउने स्वतन्त्र रूपमा आफलाइ राख्न चाहने उनको अभिरुचि छ । जीवनको बाटोमा आउने हरेक किसिमको अप्ठ्यारो र साहसिक कार्यलाई अँगालेर अघि बढ्न सक्ने उनमा आत्मविश्वास छ । भन्छिन् कोरियन भाषामा प्रभावित उनी कोरिया पुगे र त्यहाँ कोरियाली चलचित्र क्षेत्र लाई आफ्नो दोस्रो घरको रूपमा पाए अब दक्षिण कोरियामा नै आफलाइ नेपाली मोडल र अभिनेत्रीको रूपमा चिनाउने बाटोमा छु ।

यो सबै सफलता को पछाडि आफ्नो घर परिवारको ठुलो साथ सपोर्ट र सहयोग रहेको उनी बताउँछिन् । सपना र वास्तविकता बिचको खाडललाई पार गर्दै भविष्यमा डिजिटल प्लेटफर्म मार्फत आफ्नै युट्युब च्यानल बाट युवा नेपाली बिद्यार्थीहरुलाइ विदेशमा शैक्षिक उत्कृष्टता तर्फ डोर्‍याउने उनको लक्ष्य रहेको छ ।