काठमाडौं– नेपालमा थप सात जनामा कोरोना संक्रमण पुष्टि भएको छ।

राष्ट्रिय जनस्वास्थ्य प्रयोगशाला, काठमाडौंमा गरिएको परीक्षण अनुसार काठमाडौं चन्द्रागिरि निवासी ३२ वर्षीय पुरुष र कपिलबस्तु निवासी ६ वर्षीया बालिकामा संक्रमण पुष्टि भएको स्वास्थ्य तथा जनसंख्या मन्त्रालयलय जनाएको छ।

सर्लाहीमा १, धनुषामा र महोत्तरीमा २/२ जनामा कोरोना संक्रमण देखिएको स्वास्थ्य तथा जनसंख्या मन्त्रलायले जानकारी दिएको छ ।

थपिएका संक्रमित मध्ये चारजना पुरुष र एकजना महिला हुन् । उनीहरुको स्वाब परीक्षण राष्ट्रिय जनस्वास्थय प्रयोगशाला, काठमाडौंमा गरिएको थियो ।

मन्त्रालयका सहप्रवक्ता डा समीरकुमार अधिकारीद्वारा जारी पछिल्लो सूचना अनुसार, नयाँ संक्रमितको स्वास्थ्य अवस्था सामान्य छ।

यससँगै नेपालमा संक्रमितको संख्या २ सय ५0 पुगेको छ। तीमध्ये ३५ जना संक्रमणमुक्त भइसकेका छन्।