काठमाडौं- लखनउ सुपर जाइन्टले गुजरात टाइटन्सलाई पराजित गरेको छ ।

गएराती सम्पन्न आइपिएलको खेलमा लखनउले शिर्ष स्थानमा रहेको गुजरातलाई ३३ रनले पराजित गरेको हो ।

लखनउले दिएको २३६ रनको लक्ष्य पछाएको गुजरातले २० ओभरमा ९ विकेट गुमाउदै २०२ रन बनाएको थियो ।

गुजरातका लागि शाहरुख खानले सर्बाधिक ५७ रन बनाए भने शेरफान रुदरफो र्डले ३८, कप्तान शुभमन गिलले ३५, जोस बटलरले ३३ र साई सुदर्शनले २१ रन बनाएका थिए ।

यस अघि पहिला ब्याटिंग गरेको लखनउले मिचेल मार्शको ११७ रनको शतकीय पारी र निकोलस पुरणको ५६ रनको पारीको सहयोगले २० ओभरमा २ विकेट गुमाउदै २३५ रन बनाएको थियो ।

प्लेअफको दौडबाट बाहिरिएको लखनउको यो जितपछि १३ खेलमा १२ अंक भएको छ र छैटौं स्थानमा रहेको छ ।

त्यस्तै हारका बाबजुत गुजरात १३ खेलमा १८ अंकसहित शिर्ष स्थानमा रहेको छ ।