काठमाडौं– नेपाली कम्युनिस्ट पार्टीले भ्रष्टाचारविरुद्ध लोकपाल गठनदेखि देशलाई दुई वर्षभित्र ‘भोकमुक्त’ घोषणा गर्ने प्रतिबद्धता जनाएको छ।
भ्रष्टाचारीको सम्पत्ति राष्ट्रियकरण गर्ने, अख्तियार र शतर्कता केन्द्रलाई एकीकृत गरी शक्तिशाली ‘लोकपाल’ गठन गर्ने घोषणा नेकपाको छ ।
आगामी निर्वाचनको लागि सार्वजनिक गरिएको प्रतिबद्धता पत्रमा सम्पूर्ण नागरिकको खाद्य अधिकार र खाद्य सम्प्रभुता सुनिश्चित गरिने उल्लेख छ।
घोषणापत्रमा भनिएको छ, ‘२ वर्षभित्र देशलाई भोकमुक्त नेपाल घोषणा गरिनेछ । खाद्य अभाव, कुपोषण वा अल्पपोषणको अवस्था अन्त्य गरिनेछ । विद्यालय खाजा कार्यक्रमलाई स्थानीय उत्पादनसँग जोडेर पोषण सुरक्षा अभिवृद्धि गरिनेछ ।’
गर्भवती, सुत्केरी, बालबालिका र वृद्धवृद्धालक्षित पोषण कार्यक्रम प्रभावकारी बनाइने उल्लेख छ।
यी हुन् नेकपा घोषणापत्रका मुख्य हाइलाइट्स
भोकमुक्त नेपाल बनाउने
गरिबीको दर ५ प्रतिशतमा झार्ने ।
सार्वजनिक पदमा रहेकाको सम्पत्ति छानबिन गर्न १ वर्षभित्र ‘अधिकार सम्पन्न स्वतन्त्र आयोग’
भनसुनमुक्त, मुहाररहित, र कागजरहित सेवा प्रवाह ।
वार्षिक ५ लाखलाई रोजगारी
दलित र अल्पसंख्यक युवालाई १० वर्षका लागि ५ प्रतिशतमा १ करोडसम्म ऋण
१ वर्षभित्र सबै किसानलाई परिचयपत्र वितरण र वर्गीकरण ।
५ वर्षमा थप १०,००० मेगावाट बिजुली
२० वटा शहरलाई ‘स्मार्ट सिटी’ र १०० वटा ग्रामीण बस्तीलाई ‘स्मार्ट भिलेज’ बनाउने ।
२०८८ सम्म सबै नागरिकलाई स्वास्थ्य बीमा
केन्द्रमा २५ जना मन्त्रीबाट घटाएर विज्ञसहितको सानो आकारको मन्त्रिपरिषद्
लेखकको बारेमा
प्रतिक्रिया