काठमाडौं- नेपाली कम्युनिष्ट पार्टीको संयोजकमा पुष्पकमल दाहाल प्रचण्ड चयन भएका छन् ।
भृकुटीमण्डपमा आयोजित ऐतिहासिक एकता सभामा प्रचण्डलाई पार्टीको नयाँ संयोजकको रूपमा चयन गरिएको हो ।
साथै, पार्टीको सहसंयोजकका रूपमा माधव कुमार नेपाल चयन भएका छन् । नेता महेन्द्र राय यादवले यसका बारेमा औपचारिक घोषणा गरे ।
प्रचण्डले यसअघि नेकपा माओवादी केन्द्रको नेतृत्व गर्दै आएका थिए । अब एकीकृत नेपाली कम्युनिष्ट पार्टीको संयोजकका रूपमा नयाँ जिम्मेवारी सम्हाल्नेछन् ।
त्यसैगरी, माधव कुमार नेपालले नेकपा एकीकृत समाजवादी पार्टीका अध्यक्ष थिए, अब सहसंयोजकका रूपमा भूमिका निर्वाह गर्नेछन् ।
लेखकको बारेमा
प्रतिक्रिया