+
Search

ताजा अपडेट +

पपुलर +

माधवनारायण गाउँपालिकाका निमित्त कार्यकारी प्रमुखविरुद्ध भ्रष्टचारको उजुरी

पालिका लाइभ
२०८१ चैत्र २७, बुधबार १९:२५ गते

रौतहट– माधवनारायण गाउँपालिकाका कार्यरत इञ्जिनियर नागेन्द्रप्रसाद यादव अनियमिततामा मुछिएको भन्दै छानबिन गर्न राज्य व्यवस्था समितिमा उजुरी पेश भएको छ ।

गौर नगरपालिकामा दरबन्दी रहेका यादव हाल काजमा माधव नगरपालिकामा निमित्त कार्यकारी प्रमुख छन् । नेपाली कांग्रेसका मधेस प्रदेश प्रचार विभाग प्रमुख नितेशकुमार गुप्ताले निमित्त कार्यकारी प्रमुख यादव विरुद्ध उजुरी दिएका हुन् ।

राज्य व्यवस्था समितिका सभापति रामहरि खतिवडालाई बुझाइएको उजुरीमा यादवले भ्रष्टचार गरेको दाबी गरिएको छ ।

‘उक्त माधवनारायण नगरपालिकामा उपसचिव तहको व्यक्तिको दरबन्दी भएको ठाउँमा प्रशासकीय अधिकृत समेत नपठाई तहाँ नगरपालिकाको कार्यालयले गैरकानुनी तवरले नियुक्ति भएको कर्मचारीलाई निमित्त कार्यकारी प्रमुखको जिम्मेवारी दिएको र उक्त स्थानीय निकायमा भ्रष्टाचार समेत भइरहेको अवस्था देखिएको छ,’ उजुरी पत्रमा भनिएको छ ।

निमित्त कार्यकारी प्रमुखमा रहेका यादवलाई काममा रोक लगाउन र उपसचिव तहको व्यक्ति खटाउन माग गरिएको छ ।

प्रतिक्रिया

लेखकको बारेमा

पालिका लाइभ