पर्सा– सखुवा प्रसौनी गाउँपालिकाका लेखा प्रमुख सुमन साहले खाना, खाजा, चिया, पानी लगायतमा झन्डै ४५ लाख रुपैयाँ खर्च देखाई भ्रष्टाचार गरेको पाइएको हो ।

सखुवा प्रसौनी गाउँपालिकामै घर भएका लेखा प्रमुख सुमन साहले प्रमुख प्रशासकीय अधिकृतको मिलेमतोमा खाना, खाजा, चिया, पानी लगायतमा झन्डै ४५ लाख रुपैयाँ खर्च देखाई भ्रष्टाचार गरेको पाइएको हो ।

लेखा प्रमुख साहले प्रमुख प्रशासकीय अधिकृतको मिलेमतोमा आर्थिक वर्ष २०७९-८० मा खाना, खाजा चिया, पानी लगायत विभिन्न कार्यक्रम भनेर विविध तर्फ बिलमा ४४ लाख ९८ हजार रुपैयाँ खर्च देखाई विकासे बजेटको लाखौँ रुपैयाँ भ्रष्टाचार गरेको स्थानीयको आरोप छ । जुन आरोपलाई महालेखाले समेत पुष्टि गरेको देखिन्छ ।

स्थानीय सरकार सञ्चालन ऐन २०७४ को दफा ७१ बमोजिम व्ययको बजेट अनुमान आन्तरिक आयको परिधिभित्र रही औचित्यको आधारमा विविध खर्च गर्नु पर्ने व्यवस्था छ । साथै आर्थिक कार्यविधि तथा वित्तीय उत्तरदायित्व नियमावली, २०७७ को नियम ३९ मा सरकारी रकम खर्च गर्दा त्यस्तो खर्च पुष्टि हुने बिल भर्पाई प्रमाण र कागजात संलग्न हुनु पर्ने व्यवस्था छ । तर गाउँपालिकाका बिल र कागज मिलाउन चतुर मानिने लेखा प्रमुख सुमन साहले खाना, खाजा चिया, पानी लगायतको विभिन्न कार्यक्रम शीर्षकमा बिलमा मात्रै ४४ लाख ९८ हजार खर्च देखाई लाखौँ रुपैयाँ भ्रष्टाचार गरेको स्थानीय अनुप यादवको आरोप छ ।

विविध खर्च गर्दा खर्चको बिल भरपाई पेश भए तापनि कतिपय खर्चका बिल भरपाई साथ सो कामसँग सम्बन्धित निर्णय सहितका खर्च पुष्टि हुने प्रमाण संलग्न गर्ने गरेको नदेखिएको मलेपको प्रतिवेदनमा उल्लेख छ । यसले समेत चतुर लेखा प्रमुख साह सहितको संयुक्त मिलेमतोमा खाजा, खाना चिया, पानी लगायतको शीर्षकमा बिलमा मात्र खर्च देखाई लाखौँ रुपैयाँ भ्रष्टाचार भएको स्थानीयको आरोप पुष्टि हुने देखिन्छ ।

विविध खर्चको स्पष्ट उद्देश्य र खर्चको यथार्थता प्रमाणित हुने प्रमाण समेत खर्च साथ राखेर खर्च नगरेकोले विविध खर्चको नाममा लेखा प्रमुख सुमन साहलगायतले कागजी मिलान गरी बिलमा मात्र खर्च देखाई लाखौँ रुपैयाँ घोटाला गरेको देखिन्छ ।