काठमाडाैं- कुर्दिस्तान प्रवासी नेपाली समाज, सुलेमानी इराकको अध्यक्षमा बिनाेद श्रेष्ठ निर्विरोध चयन भएका छन् । समाजको तेस्रो अधिबेशनबाट अध्यक्षमा श्रेष्ठ निर्वाचित भएका हुन् । नेपाल सरकारले प्रतिबन्ध गरेकाे मुलुक भएपनि समाजले विभिन्न सामाजिक काममा हातेमालाे गर्दै प्रवासी नेपालीलाइ विभिन्न प्रकारकाे सहयाेग समेत गर्दै आएकाे छ ।

इराकको कुर्दिस्तानमा बसोवास गर्दै आएका नेपालीहरुको संस्था हाे- कुर्दिस्तान प्रवासी नेपाली समाज । कार्य समितिको बरिष्ठ उपाध्यक्षमा ठूलोकान्छा शेर्पा, महिला उपाध्यक्षमा शोभा भुजेल, पूर्णहाङ्ग लिम्बूलाई महासचिव, सचिवमा ठिलेन शेर्पा, कोषाध्यक्षमा इन्द्र श्रेष्ठ, सहकोषाध्यक्षमा साङ्मु तामाङ्ग चयन गरिएका छन्।

संस्थाको नवनिर्वाचित सदस्यहरुमा अबिना तामङ, मैती तामाङ, शान्ता थापा, लमु शेर्पा, सपना सुवेदी, सरोज कार्की, प्रकाश बस्नेत, कुमारी बिष्ट, उदक माया, लक्ष्मी कुमारी गिरी, अस्बिन थापा, आशिका श्रेष्ठ, याङ्गलमु शेर्पा छन्।

एफडब्ल्यूसीडीओ का हामा हजार माहम्मदको प्रमुख आतिथ्यमा सम्पन्न सो साधारणसभाको सभापतित्व कमल तामाङ्गले गरेका थिए। कार्यक्रममा नेपाल तामाङ घेदुङ कुर्दिस्तान इराक, महिला समाज कुर्दिस्तान इराक, प्रवासी कलाकार ग्रुप कुर्दिस्तान र मगर समाज सुलेमानीसहितका संघसंस्थाका प्रतिनिधिहरुको उपस्थिति थियो।