गाेरखा- विगत लामो समय देखि गीत संगीत क्षेत्रमा आवद्ध भई गायन र मोडलिङलाई अघि बडाउदै आएकी मोडल तथा गायिका रितु तामाङले पछिल्लो समय आफ्नै जीवनसँग मेल खाने खालको गीत ‘म त यस्तै हो’ भन्ने गीत बजारमा ल्याएकी हुन् ।
दर्जनौं दर्जन गीतहरु गाउदै र अभिनय गर्दै आएकी धादिङ स्थायी घर भएकी तामाङले यस गीतमा आफ्नै सुमधुर स्वर आफैँ एकल अभिनय समेत गरेकी छिन् । खुलेको अवातारमा प्रस्तुत भएकी ऋतु लाइ भिडीयोमा आकर्षक सेक्सी लुक्समा देखिएको छ ।
युट्युबमा सार्वजनिक भएको पहिलो दिनबाटै निकै नै चर्चा बटुलेको लोक पप गीत म त यस्तै हो चर्चित म्युजिक कम्पनी गोर्खा चौतारी म्युजिक मार्फत बजारमा सार्वजनिक भएको हो ।
सोहि गीतमा लय तथा शब्द पवित्रा मगरले गरेकी छिन भने यस गीतलाई छायांकन दुर्गा पौडेल, सम्पादन नविन घर्ती मगर र यस गीतलाई निर्देशन मौशम हिमालीले गरेका हुन् । पछिल्लो समयको युवा दर्शक श्रोतामाझ गित लोकप्रिय बन्ने प्रवल सम्भावना छ ।
