गाेरखा- प्रहरी कार्यालय जगतले ठुलाे मात्रामा चाँदी बरामद गरेकाे छ । चुमनुब्री गाउँपालिका-३, जगतमा रहेकाे प्रहरी चौकीकाे टाेलीले चेकजाँच गर्ने क्रममा १ किलो ४१० ग्राम अवधै चाँदी बरामद गरेकाे हाे ।
प्रहरीकाे टाेलीले चुमनुब्री गाउँपालिका-८ बस्ने बर्ष ३५ का साङ्के दोर्जे लामाले बोकी ल्याएको झोलामा २० थान चाँदीको बाला र १ थान क्यानचिन नाम गरेको चाँदीको गहना गरी अन्दाजी १ किलो ४१० ग्राम अवधै चाँदी फेला पारेकाे जिल्ला प्रहरी कार्यालय गाेरखाले जनाएकाे छ ।
चाँदी सहित लामालाई नियन्त्रणमा लिई थप अनुसन्धान भई रहेको प्रहरीले जनाएकाे छ । २४ भदाैमा १० किलाे सुनका तस्करलाई समातेकाे जगत प्रहरीले जिल्ला प्रहरी कार्यालय गाेरखामा २५ भदाैमा एक कार्यक्रम गरी सावजनिक गरेकाे थियाे ।
१० किलाेे सुनकाण्डकाे अनुसान्धान गरीरहेकाे प्रहरीले अवैध चाँदि फेला पारेकाे हाे । १० किलाे सुन चिनियाँ नागरिककाे भनिएता पनि अहिलेसम्म प्रहरीले सुनकाे मालिक काे हाे भनेर भन्न सकेकाे छैन् ।
खुल्ला सिमानाका कारण अवैध तरिकाले सामान ओसार पोसार हुन सक्ने आशंकमा स्थानीय प्रशासनले हेलिकप्टर चेकिङमा कडाइ गरेको छ ।
